Skip to:
;Resize=(240,200))
التجميد يعتبر طريقة ممتازة عشان تحافظي على قوام، نكهة، ولون الأكل، وكمان بيساعدك تخططي وتعملي الأكل لفترات طويلة وتقسميه بدون ماتهدري حاجة.
التجميد يعتبر طريقة ممتازة عشان تحافظي على قوام، نكهة، ولون الأكل، وكمان بيساعدك تخططي وتعملي الأكل لفترات طويلة وتقسميه بدون ماتهدري حاجة.
لازم تفتكري القواعد دي عشان تتجنبي التسمم الغذائي، ومعلومة كمان مهمة هي إن الأكلات اللي استخدمتي فيها مكونات كانت أصلاً مجمدة وفكت ممكن تجمديها تاني بس بعد طبخ الأكلة تماماً. مثلاً لو فكيتي لحمة مفرومة وعملتي بيها مكرونة اسباجيتي باللحمة المفرومة تقدري تجمديها تاني عادي مادام اتطبخت.
واتأكدي إنك بتغلفي الأكل كويس وهو في الفريزر عشان تحميه من حروق التجميد اللي بيسببها التعرض للهوا البارد طول الوقت.
الأعشاب الطازة:
الأعشاب الطرية بتفقد لونها وهيكلها ويفضّل متتجمدش. الأحسن جمدي الأعشاب زي الروزماري، الزعتر، عشبة الليمون والنعناع لإن ينفع تتجمد لمدة تصل لـ٣ شهور. جربي كمان طريقة تجميد الأعشاب المتقطعة مع مياه في صينية مكعبات التلج، الطريقة دي ممتازة للاستخدام في الشوربة والطواجن.
البيض
مينفعش تجمدي البيض الكامل أوصفار البيض المفصول، لكن بياض البيض ممكن يتجمد لمدة تصل ل٦ شهور. ولو خفقتي البيض، ممكن تجمديه لمدة ما بين شهرين وثلاثة. بعد التجميد، الأحسن يفك في التلاجة الأول ويستخدم في عمل المخبوزات.
العيش
يفضل تستخدمي العيش المجمد خلال شهر من التجميد.
الخضار
الخضار اللي بيحتوي على نسبة عالية من المياه زي الطماطم والخيار مش بينفع يتجمد، وكمان تجميده بيضر ببنيته. أي نوع خضار تاني بيتجمد كويس جيدًا وتجميده بيبقى أحسن لو اتسلق الأول.
عشان تسلقي الخضار، ضيفي الخضار في الماء المغلي لمدة دقيقتين واشطفيه بمياه ساقعة عشان توقفي عملية الطبخ. القرع هو مثال رائع للخضار المناسب للتجميد، قشري القرع وقطعيه لمكعبات كبيرة وجمديه وبعدين سويه في أي وقت.
اللحوم
ممكن تحتفظي باللحوم النية لمدة ٦ شهور تقريبًا، ولكن يفضل استخدامها خلال ٣ شهور. وإوعي تعيدي تجميد اللحوم اللي فكت، لو عايزة تجمدي اللحوم بعد ما فكت، سويها الأول قبل تجميدها تاني، بالنسبة لتجميد اللحوم المطبوخة والمملحة، جمديها لمدة ما تزيدش عن شهر واحد.
التوت والفاكهة الصيفية
تقدري تحتفظي بالفاكهة الصيفية في الفريزر طول السنة. كمان الأحسن إنك تجمدي حبات التوت مفرودة على صينية الأول وبعدين فضيها في أكياس ورجعيها الفريزر، بالطريقة دي حبات التوت مش هتلزق في بعضها في الفريزر.
بعض أنواع التوت بتتجمد بشكل كويس زي التوت الأحمر أو الأزرق، لكن مثلاً الفراولة واللي فيها نسبة كبيرة من المياه بعد تجميدها وفكها مبترجعش لشكلها قبل التجميد ويفضل تستخدم في العصائر والسموزي.
الجبنة
يفضل تستخدمي الجبن المجمد للطبخ بس، ولسهولة الاستخدام ابشريها قبل التجميد، ويفضل تفكي الجبن طول الليل في التلاجة قبل استخدامها.
الأسماك
الأسماك مثالية للتجميد ويفضل تجميدها مباشرة بعد صيدها، يفضل كمان استخدام الأسماك المجمدة خلال شهر واحد لـ٣ شهور كحد أقصى.
اللبن
اللبن بيتجمد كويس وممكن يفضل متجمد لمدة شهر.
مقالات متشابهة
اشهر منتجاتنا
;Resize=(350,350))
;Resize=(350,350))
;Resize=(350,350))
;Resize=(350,350))
- slide 1
- slide 2
- slide 3
- slide 4
