Skip to:
;Resize=(240,200))
أكلة الريزوتو الإيطالي بتحتاج لرز متوسط الحجم مطبوخ بإتقان لكي يصل لقوام كريمي. السر وراء أكلة الريزوتو الرائعة هو مرقة كتير ومكونات طازة. حضرنا لكِ نصايح من أول اختيار الرز المناسب لحد إضافة كل المكونات عشان تقدري تطبخي الريزوتو المثالي المليان بالنكهات.
مفيش طبق ممكن يشبع الشهية أكثر من ريزوتو كريمي بالخضار أو اللحوم أو الأسماك.
تحضير الريزوتو المثالي ممكن ياخد بعض الوقت والمجهود لكن بمجرد ما تتقني الطريقة هتحبي تعمليه مرة واتنين وتلاتة.
يلا نبدأ نحضر الريزوتو:
الخطوة الأولى هي تشويح البصل مع زيت الزيتون وبعدين ضيفي حبات الرز وقلبيها عشان كل حباية تتغلف بالزيت وتبدأ تتشقق، لكن خلي بالك عشان ميتحرقش، كمان خلي بالك لو البصل بقى بني واتحرق هيغير نكهة الريزوتو، ولو الرز اتحرق شوية مش هيفرز النشا اللي محتاجينه عشان الرز يتماسك ويبقى كريمي.
الرز هياخد أغلب نكهته من المرقة المضافة، عشان كده لازم يكون طعم المرقة قوي. ضيفي مكعب مرقة دجاج كنور لـ500 مل من المياه المغلية، اتأكدي إن المرقة تكون سخنة وبعدين ضيفيها للرز وحركيهم كويس واستني لغاية ما الرز يمتص كل المرقة قبل ما تزودي مرقة تانية، واتأكدي إن المرقة تبقى سخنة وإنت بتضيفيها وإلا الريزوتو هيبرد والأكلة هتبوظ.
الرز بيحتاج يتقلب على فترات منتظمة عشان تتأكدي إنه ميلزقش، وكمان التقليب بيساعد على إفراز النشا اللي بيدي الريزوتو قوامه الكريمي، ودي خطوة مهمة جداً للأكلة.
جربي تضيفي مكونات زي الأعشاب، المشروم أو القرع، وحاولي تضيفي نوع من الجبن المبشورة زي .البارميزان
