Skip to:
;Resize=(240,200))
اعملي تتبيلة السلطة بالطريقة التي تحبيها.
بالرغم من أنك تقدري تشتري توابل السلطة الجاهزة، إلا أنه الأحسن إنك تعملي تتبيلة السلطة بنفسك، بالطريقة دي تقدري تعملي تتبيلة السلطة بالطعم اللي تحبيه.
النسب الأصلية للخل الفرنسي هي نسبة ثلاث معايير من الزيت ومعيار واحد من الخل أو عصير الليمون، على سبيل المثال ثلاث ملاعق كبيرة من زيت الزيتون إلى ملعقة كبيرة من الخل، وأبسط طريقة لخلط تتبيلة الخل هي وضع المكونات مع بعض وتقليبهم كويس جداً لغاية ما يبقى مزيج متجانس.
بعد كده تقدري تزودي للتتبيلة الأساسية الملح والفلفل الأسود والنكهة اللي تحبيها زي المستردة والسكر (هتحتاجي كمية قليلة) أو الثوم أو البصل الأخضر أو الأعشاب الطازة المفرومة.
بشوية حركات هتخلي السلطة أحلى، جربي مثلاً إنك تبدلي الخل بعصير البرتقال الطازة أو عصير الجريب فروت عشان تستمتعي بطعم الحمضيات المميز، الفكرة هي أن يكون عندك تتبيلة لذيذة بتضيف طعم مميز وبسيط لسلطتك.
فكرة هايلة إنك تعملي كمية كبيرة من تتبيلة السلطة اللي بتحبيها، وتشيليها في زجاجة أو برطمان نظيف ومعقم واحتفظي بيها في الثلاجة، بحيث تكون جاهزة وسهلة للاستخدام.
من القواعد الذهبية اللي لازم تفتكريها هو إنك تحطي التتبيلة للسلطة قبل التقديم مباشرة، لو تبلتي السلطة قبل التقديم بوقت كبير هتطرى ويكون فيها مياه، وأكيد احنا مش عايزين كده، صح؟
دليلك لوصفات وأنواع تتبيلات السلطة
الخل البلسمي
خل بلسمي أصيل مصنوع يدويًا، أصله من إيطاليا، ولونه بني غامق مع نكهة حلوة ومميزة، بيتعتق لمدة 12 عامًا على الأقل، وانتاجه بيكلف ثروة كبيرة وبيستخدم بشكل ضئيل جداً.
خل التفاح
مصنوع من عصير التفاح، وهو خل خفيف ولطيف مع نكهة حلوة من التفاح.
زيت الزيتون
أحد المكونات الرئيسية لمنطقة البحر الأبيض المتوسط، وهو الزيت المصنوع من عصر الزيتون الطازج.
تنتج العديد من الدول زيت الزيتون (ومن أشهرها إيطاليا) وتتراوح نكهته بين معتدل وناضج إلى عشبي أو زهري أو حاد. نصيحتي هي دوري على زيت زيتون بكر ممتاز عالي الجودة واستخدميه في تتبيلات السلطة.
