برجر بالبصل المكرمل و المشروم

فى مقلاية, هنحط 3 معالق زيدة, 4 بصلات متقطعين شرايح و نتبلهم بملح.

اول ما لون البصل يقلب دهبى, هنزود معلقة خل بلسمى و نقلب كويس بعدين نشيلة من على النار.

فى مقلاية تانية, هنحط زيت زيتون, معلقة زبدة و 200 جرام مشروم و عليه ملح, فلفل اسود, معلقة خل بلسمى و نقلب كويس.

فى طبق, هنحط معلقتين مايونيز, كاتشب, معلقة مسطردة و نقلب كويس.

فى طبق غويط, هنجيب 500 جرام من اللحمة المفرومة و نخلطهم بكيس خلطة البرجر من كنور.

فى صينية, هنقسم اللحمة المفرومة على اشكال البرجر و ندخلها التلاجة 5 دقايق.

بعدين فى مقلاية, هنسخن العيش الكيزر على كل جنب و نشيلة.

فى نفس المقلاية, هنحط زيت و نزود علية قطع البرجر و نسيبها على نار عالية لمدة 5 دقايق.

بعد 5 دقايق, هنقلبها على الجنب التانى و نحط على كل قطعة جبنة شيدر و نسيبها على نار عالية ل 3 دقايق.

بعد 3 دقايق, هنجيب العيش و نحط عليه خليط الكاتشب و عليه خس, البرجر بالشيدر, البصل المكرمل و المشروم.