ريزوتو بالفراخ و المشروم

فى مقلاية, هنحط زيت زيتون وعليه 350 جرام صدور فراخ مكعبات. و نتبلها بملح و فلفل اسود و نسيبها على نار عالية من 3 ل 5 دقايق.

بعد 5 دقايق فى نفس المقلاية, هنزود كوبايتين مشروم على نار عالية لمدة 3 دقايق.

بعد 3 دقايق, هنشيل الفراخ و نحط معلقة زبدة, 1\4 كوباية بصل متقطع, فصين ثوم و نقلب كويس.

بعدين, هنزود كوباية ر 1\4 ارز اربوريو و نقلب لمدة دقيقة على نار عالية.

فى كوبايه طبخ, هنزود لتر مياه مغلية و مكعب مرقة فراخ من كنور. بعدين, هنحطها على الرز تدريجيا و فى الاخر نسيبها على نار منخفضة لمدة 20 دقيقة.

بعد 20 دقيقة, هنزود المشروم و الفراخ على الرز, معلقة كبيرة زبدة, 1\2 كوباية جبنة بارميزان و نقلبهم كويس.